பெரிய பூசணிக்காயை வளர்த்து காட்சிப்படுத்துகின்றவர்களுக்கு பரிசுத்தொகை..!!

யார் பெரிய பூசணிக்காயை வளர்த்து காட்சிப்படுத்துகிறார்களோ அவர்களுக்கு பரிசுத்தொகை வழங்கும் போட்டி அமெரிக்காவின் கலிபோர்னியாவில் Half Moon Bay எனும் பகுதியில் நீண்ட காலமாக நடைபெற்று வருகிறது.

இந்த போட்டியில் பல விவசாயிகள் ஆர்வமுடன் பங்கேற்று வருகின்றனர்.

உலகின் பூசணிக்காய்களில் தலைநகரம் என கூறப்படும் Half Moon Bay-இல் 50 ஆவது தடவையாக இம்முறை நடந்த போட்டியில், 1,247 கிலோகிராம் எடையுள்ள உலகின் மிகப்பெரிய பூசணிக்காய் காட்சிப்படுத்தப்பட்டிருந்தது.

மின்னசோட்டா (Minnesota) மாநிலத்தை சேர்ந்த 43 வயதான தோட்டக்கலை வல்லுனரும், பயிற்சியாளருமான Travis Gienger என்பவர் போட்டிக்கு கொண்டு வந்திருந்த இந்த மிகப்பெரிய பூசணிக்காய் தான் பலரின் கவனத்தையும் ஈர்த்தது.

அவர் வளர்த்த பூசணிக்காய் மிகப் பெரியது என போட்டியில் தெரிவு செய்யப்பட்டு, அவருக்கு 30,000 டொலர்கள் பரிசுத்தொகையும் அறிவிக்கப்பட்டது.