சோசியல் மீடியா பிராண்டிங் செய்வது எப்படி?

மார்க்கெட்டிங் vs பிராண்டிங்

”இன்றைய காலத்தில் டி.வி பார்க்கிறார்களோ இல்லையோ, நிச்சயம் சமூக வலைதளங்கள் பார்க்காமல் இருப்பதில்லை. அதனால் நமது பிராண்டை மக்களுக்கு அறிமுகப்படுத்த அல்லது தெரியப்படுத்திக்கொண்டே இருப்பதற்கு சமூக வலைதளங்கள் தான் சிறந்த சாய்ஸ்.

சமூக வலைதளம் மூலம் ஒரு பொருளை விற்பனை செய்வது சமூக வலைதள மார்க்கெட்டிங் ஆகும். சமூக வலைதள மூலம் ஒரு பிராண்டிற்கு வெளிச்சம் தருவது சமூக வலைதள பிராண்டிங்.

ஆக, சமூக வலைதள மார்க்கெட்டிங் மற்றும் சமூக வலைதள பிராண்டிங் வேறு வேறு என்பதையும், மார்க்கெட்டிங்கின் ஒரு பிரிவே பிராண்டிங் என்பதையும் முதலில் தெரிந்துகொள்ள வேண்டும்.

துறைக்குத் துறை மாறுபடும்!

பிராண்டிங்கில் ஒவ்வொரு துறைக்கேற்ப சமூக வலைதளங்களும் மாறுபடும். எல்லாத் துறைகளுக்கும் எல்லா சமூக வலைதளங்களிலும் பிராண்டிங் செய்ய வேண்டும் என்ற அவசியமில்லை.

உதாரணமாக ஐ.டி, எம்.என்.சி போன்ற நிறுவனங்களுக்கு ‘லிங்க்ட் இன்–ல் பிராண்டிங் செய்தால் போதும். டெக்ஸ்டைல், இ-காமர்ஸ் நிறுவனங்களுக்கு கூகுள், இன்ஸ்டாகிராம், பேஸ்புக்கில் பிராண்டிங் செய்யலாம்.

இதை நேரெதிராக இ-காமர்ஸ் நிறுவனத்திற்கு லிங்க்ட் இன்னில் பிராண்டிங் செய்தால் மக்களிடம் போய் சேராது. அதனால் நம் நிறுவனத்திற்கு என்ன சமூக வலைதளம் சரியாக இருக்கும் என்று யோசித்து தேர்ந்தெடுங்கள்.

இந்த நான்கும் முக்கியம்…

அனைத்து பிராண்டிங்கிலும் brand creation, brand positioning, brand establishment, brand stabilization ஆகிய நான்கும் மிக மிக முக்கியம். ஒரு பிராண்டை உருவாக்கி (brand creation) அதை திரும்ப திரும்ப மக்கள் மனதில் பதிய வைத்துக்கொண்டே (brand positioning) இருக்க வேண்டும்.

இதை நாம் தொடர்ந்து செய்துகொண்டு இருந்தாலே, மார்க்கெட்டில் பிராண்ட் நன்கு பதிந்துவிடும் (brand establishment). பிராண்ட் தான் மக்கள் பதிந்துவிட்டதே என்று இருந்துவிடாமல், தொடர்ந்து பிராண்டிங் செய்வது மிக மிக அவசியம் (brand stabilization).