இலங்கையில் விமான நிலையங்களுக்கு அருகில் வசிப்போருக்கு விடுக்கப்பட்டுள்ள அறிவித்தல்
- local
- August 4, 2023
- No Comment
- 91
இலங்கையில் விமான நிலையங்களுக்கு அருகில் வசிப்போருக்கு முக்கிய அறிவித்தல் ஒன்றை வரையறுக்கப்பட்ட விமான நிலைய மற்றும் விமான சேவைகள் நிறுவனம் (இலங்கை) விடுத்துள்ளது.
அதாவது விமான நிலைய சுற்றி சுமார் 5km சுற்றுவட்டத்தில் வசிப்போருக்கு பட்டம் விடுவதற்கு தடை விதிக்கப்பட்டுள்ளது.இந்த அறிவித்தல் முக்கியமாக இலங்கையில் இயங்கும் 5 விமான நிலையங்களுக்கு அருகில் வசிப்போருக்கு விடுக்கப்பட்டுள்ளது.
பாரிய சேதங்களை விளைவிக்கும் சாத்தியம்
அவையாவன, பண்டாரநாயக்க சர்வதேச விமான நிலையம், மத்தள விமான நிலையம், மட்டக்களப்பு சர்வதேச விமான நிலையம், யாழ் சர்வதேச விமான நிலையம் மற்றும் கொழும்பு சர்வதேச விமான நிலையம் ஆகும்.மேற்குறிப்பிடப்பட்ட விமான நிலைய சுற்றுப்பரப்பினுள் பட்டம் விடுவதன் காரணமாக விமான ஓட்டுநர்களுக்கு சிரமம் ஏற்படுவதாக தெரிவிக்கப்பட்டுள்ளது.
சில வேளைகளில் பட்டங்கள் விமான விசிறிக்குள் சிக்கும் பட்சத்தில் அவை பாரிய சேதத்தை விளைவிக்க வாய்ப்பு அதிகம் எனவும் தெரிவிக்கப்பட்டுள்ளது.
