” ஆப்பிள் தொழிற்சாலைகளை அமெரிக்காவில் நிறுவுங்கள் ” – ட்ரம்பின் வேண்டுகோளிற்கு டிம் குக்கின் பதில்

சமீபத்தில் மத்திய கிழக்கு ஆசிய நாடுகளுக்குப் பயணம் சென்றிருந்த அமெரிக்க அதிபர் ட்ரம்ப் நிகழ்ச்சி ஒன்றில் பேசியது இந்தியா முழுவதும் பரபரப்பைக் கிளப்பியது.

அது…

ஆப்பிள் நிறுவனத்தின் தலைமை நிர்வாக அதிகாரி டிம் குக்கிடம், “நண்பரே… இந்தியா இந்தியாவைப் பார்த்துக்கொள்ளும். நீங்கள் அங்கே ஆப்பிள் தொழிற்சாலைகளை அமைக்க வேண்டாம். அமெரிக்காவில் தொடங்குங்கள் என்று கூறினேன்” என்று பேசியிருந்தார்.

சீனாவிலிருந்து கொஞ்சம் கொஞ்சமாகத் தன் தொழிற்சாலைகளை மாற்றும் திட்டம் கொண்டுள்ள ஆப்பிள் நிறுவனம், இந்தியா பக்கம் திரும்பும், அது இந்தியப் பொருளாதாரத்திற்குப் பெரிதும் உதவும் என்று எதிர்பார்த்திருந்தோம்.

ஆனால், ட்ரம்ப் இப்படிக் குண்டைத் தூக்கிப் போட்டதை இந்தியா எதிர்பார்க்கவில்லை.

ஏற்கனவே இந்தியாவில் தொழிற்சாலைகளைத் தொடங்கும் வேலைகளை முன்னெடுத்துவிட்ட ஆப்பிள் நிறுவனம், அந்தப் பணியிலிருந்து பின்வாங்காது என்று தகவல்கள் கூறுகின்றன.

இந்த நிலையில், ஆப்பிள் நிறுவனம் ஏன் அமெரிக்காவில் தொடங்கவில்லை என்றும், அது ஏன் சீனாவைத் தேர்ந்தெடுத்தது என்றும் டிம் குக் சில ஆண்டுகளுக்கு முன்பு பதிலளித்திருக்கிறார்.