WI vs IND: ரோஹித், கோலிக்கு வாய்ப்பில்லை; இந்தியா தோல்வி – ராகுல் டிராவிட் சொல்லும் லாஜிக் என்ன?

இந்திய அணியின் தோல்வி குறித்தும் சூர்யகுமாரின் ஆட்டம் குறித்தும் ரோஹித் மற்றும் கோலிக்கு ஓய்வு கொடுக்கப்பட்டது குறித்தும் வெளிப்படையாகப் பேசியுள்ளார் தலைமைப் பயிற்சியாளர் ராகுல் டிராவிட்.

இந்தியா மற்றும் வெஸ்ட் இன்டீஸ் அணிகளுக்கிடையேயான டெஸ்ட் தொடரில் 1-0 என்ற கணக்கில் இந்திய அணி வெற்றி பெற்றிருந்தது. இதையடுத்து 3 போட்டிகள் கொண்ட ஒருநாள் கிரிக்கெட் தொடர் தற்போது நடைபெற்றுவருகிறது.

இதன் தொடக்க ஆட்டத்தில் இந்திய அணி 5 விக்கெட் வித்தியாசத்தில் எளிதில் வெற்றிபெற்று 1-0 என்ற கணக்கில் முன்னிலையிருந்தது. இதையடுத்து இவ்விரு அணிகளுக்கிடையிலான இரண்டாவது ஒருநாள் போட்டி நேற்று நடைபெற்றது. கடந்த சில மாதங்களாகவே இந்திய அணி தொடர்ச்சியாகப் பல்வேறு போட்டிகளில் தொடர்ந்து விளையாடி வருவதால் இப்போட்டியில் இந்திய அணியின் கேப்டன் ரோஹித் சர்மா மற்றும் முன்னணி வீரர் விராட் கோலி ஆகியோர் அணியில் இடம்பெறவில்லை. அவர்களுக்குப் பதிலாக சஞ்சு சாம்சன் மற்றும் அக்ஸர் பட்டேல் இடம்பெற்றிருந்தனர்.

இந்நிலையில் ஹர்திக் பாண்டியா தலைமையில் நேற்று நடைபெற்ற இந்த ஆட்டத்தில் முதலில் பேட்டிங் செய்த இந்திய அணி 40.5 ஓவர்களில் 181 ரன்னுக்கு அனைத்து விக்கெட்டுகளையும் இழந்து சொதப்பியது. அதிகபட்சமாக இஷான் கிஷன் 55 ரன்களும், சுப்மன் கில் 34 ரன்களும், சூர்யகுமார் 24 ரன்களும் எடுத்திருந்தனர். இதையடுத்து அதிரடியாக விளையாடிய வெஸ்ட் இண்டீஸ் அணி 6 விக்கெட் வித்தியாசத்தில் வெற்றி பெற்றது. இதனால் தொடர் 1-1 என்று தற்போது சமநிலையில் உள்ளது. 

டெஸ்ட் போட்டிகளில் சிறப்பாக ஆடியிருந்த சூர்யகுமார் வெஸ்ட் இண்டீஸுக்கு எதிரான இந்த இரண்டு ஒருநாள் போட்டிகளிலும் எதிர்பார்த்த அளவிற்கு விளையாடவில்லை. இது இந்திய கிரிக்கெட் ரசிகர்களுக்கு ஏமாற்றத்தை ஏற்படுத்தியுள்ளது.

இந்நிலையில் இந்திய அணியின் தோல்வி குறித்தும் சூர்யகுமாரின் ஆட்டம் குறித்தும் ரோஹித் மற்றும் கோலிக்கு ஓய்வு கொடுக்கப்பட்டது குறித்தும் வெளிப்படையாகப் பேசியுள்ளார் தலைமைப் பயிற்சியாளர் ராகுல் டிராவிட்.