லடாக்கின் கல்வான் பள்ளத்தாக்கில் பதற்றத்தை தணிக்க இந்திய, சீன தலைவர்கள் இணக்கம்

கிழக்கு லடாக்கின் கல்வான் பள்ளத்தாக்கில் விரைவான பதற்ற தணிப்பை மேற்கொள்ள இந்திய, சீன தலைவர்கள் இணங்கியுள்ளனர்.

2020 இல் வன்முறை மோதல் இடம்பெற்ற நாளில் இருந்து இரண்டு நாடுகளுக்கும் இடையிலான கல்வான் பள்ளத்தாக்கில் பதற்றம் தொடர்கின்றது.

இந்த நிலையில் தென்னாப்பிரிக்காவில் பிரிக்ஸ் உச்சிமாநாட்டுக்கு அப்பால், சந்தித்த இந்திய பிரதமர் நரேந்திர மோடி மற்றும் சீன அரச தலைவர் ஷி ஜின் பிங்கும், குறித்த பகுதியில் அமைதியை பேண இணக்கம் வெளியிட்டுள்ளனர்.

அத்துடன் குறித்த பகுதியில் இருந்து படைகளை விரைவாக விலகுவதற்கு தங்கள் நாடுகளில் உள்ள சம்பந்தப்பட்ட அதிகாரிகளை வழிநடத்தவும் தலைவர்கள் உடன்பட்டுள்ளனர்.