Harmanpreet kaur: ` 2 போட்டிகளில் ஆடக்கூடாது’ ஹர்மன்ப்ரீத்துக்கு ICC விதித்த தடையும் பின்னணியும்!
- Sports
- August 3, 2023
- No Comment
- 22
இந்திய பெண்கள் கிரிக்கெட் அணியின் கேப்டன் ஹர்மன்ப்ரீத் கவுருக்கு இரண்டு போட்டிகளில் விளையாட ஐ.சி.சி தடை விதித்துள்ளது.
இந்திய மகளிர் கிரிக்கெட் அணி பங்களாதேஷ் நாட்டிற்குச் சுற்றுப்பயணம் மேற்கொண்டு மூன்று டி20 மற்றும் மூன்று ஒருநாள் போட்டிகள் கொண்ட தொடரில் பங்கேற்று விளையாடியது.
இதில் டி20 தொடரில் 2-1 என்ற கணக்கில் இந்திய அணி தொடரைக் கைப்பற்றியது. இதனைத்தொடர்ந்து நடைபெற்ற ஓடிஐ தொடரின் 3-வது போட்டியின் போது இந்திய அணியின் கேப்டனான ஹர்மன்பிரீத் கவுர் மைதானத்தில் பேட்டை வைத்து ஸ்டெம்புகளை அடித்து அம்பயர்களை விமர்சித்திருந்தது கடும் சர்ச்சையைக் கிளப்பியது.
அதுமட்டுன்றி ஆட்டத்துக்குப் பிறகு கோப்பையை பகிர்ந்தளிக்கும் நிகழ்வின்போதும் வங்கதேச வீராங்கனைகளிடம் கேப்டன் ஹர்மன்பிரீத் கவுர் நடந்துகொண்ட விதமும் அதிர்வலையை ஏற்படுத்தியது. அவரது இந்த செயல்பாடுகள் விதிகளை மீறும் செயல் என்பதால் அவர் அடுத்த இரண்டு சர்வதேச போட்டிகளில் விளையாட ஐசிசி தடையை விதித்துள்ளது. அதுமட்டுமின்றி அவரது போட்டி கட்டணத்தில் 75 சதவிகிதத்தை அபராதமாகச் செலுத்தவும் உத்தரவிட்டுள்ளது. இதனால் ஆசிய விளையாட்டு போட்டிகளில் சில போட்டிகளை ஹர்மன்பிரீத் கவுரால் விளையாட முடியாமல் போகும்.
