Manipur Violence: “நான் கட்டிய கால்பந்து மைதானத்தை எரித்துவிட்டார்கள்!”- சிங்லென்சனா சிங் வருத்தம்

இந்தக் கலவரத்தால் ஆயிரக்கணக்கானோர் தங்களது உடைமைகளை இழந்து முகாம்களில் தங்கியிருக்கின்றனர். இந்நிலையில் மணிப்பூரைச் சேர்ந்த இந்தியக் கால்பந்து வீரரான சிங்லென்சனா சிங் கோன்ஷம் இந்தக் கலவரத்தால் பாதிக்கப்பட்டிருக்கிறார்.

இதுகுறித்து பேசிய சிங்லென்சனா, “இந்தக் கலவரம் எங்களிடமிருந்த அனைத்தையும் பறித்துவிட்டது. எங்கள் வீடு தீக்கிரையாக்கப்பட்ட செய்தியை நான் கேள்விப்பட்டேன். அதுமட்டுமின்றி சுராசந்த்பூரில் நான் கட்டிய கால்பந்து  மைதானமும் எரிக்கப்பட்டிருக்கிறது. இந்தச் செய்தியைக் கேட்டு நான் மன வேதனை அடைந்தேன். ஏனென்றால், திறமை இருந்தும் பணம் கட்டி பயிற்சிக்குச் செல்ல முடியாத பல இளம் வயதினர் பயிற்சி பெற, ஒரு மைதானத்தை உருவாக்க வேண்டும்.