தீபாவளிக்கு தள்ளிப்போகும் பிரபாஸின் சலார்

‘கே.ஜி.எஃப்’ இரண்டு பாகங்களின் மிகப்பெரிய வெற்றிக்குப் பிறகு இயக்குநர் பிரசாந்த் நீல் இயக்கிக்கொண்டிக்கும் படம் `சலார் -1: சீஸ் ஃபையர்’.

பிரபாஸ் கதாநாயகனாக நடிக்கும் இப்படத்தின் படப்பிடிப்பு பணிகள் வெகுத்தீவிரமாக நடைபெற்று வருகிறது. தற்போது பிருத்விராஜ், ஸ்ருதிஹாசன், ஜெகபதி பாபு போன்ற நடிகர்களை வைத்து படமாக்குகிறார்கள். ‘கே.ஜி.எஃப்’ படத்தை விட இந்தப் படம் இன்னும் பிரபலமாக வேண்டும் என்று படக்குழுவினர் விரும்புவதால், அதற்காக கடுமையாக உழைத்து வருகின்றனர்.இப்படம் வெளியாகும் என ரசிகர்கள் மிகுந்த உற்சாகத்தில் உள்ளனர்.இந்த மாதம் செப்டம்பர் 28ம் தேதி இப்படத்தைத் திரைக்குக் கொண்டு வருவதுதான் படக்குழுவினரின் திட்டமாக இருந்தது. இதற்காக இதன் இறுதிகட்டப் பணிகள் வேகமாக நடைபெற்று வருகின்றன.

இப்படத்தின் இயக்குனர் பிரசாந்த் நீல் பேசுகையில், அவசரப்படாமல் நேரத்தை ஒதுக்குவது முக்கியம். திரைப்படம் நன்றாக இருக்க வேண்டும் என்று அவர் விரும்புகிறார், எனவே ஸ்பெஷல் எஃபெக்ட்ஸ் மற்றும் கதை போன்ற சிறிய விவரங்கள் கூட சிறந்ததாக இருக்க வேண்டும். இதனால் படத்தின் ரிலீஸ் தேதி செப்டம்பரில் இருந்து தீபாவளிக்கு மாற்றப்பட்டுள்ளது. அதற்குள் இன்னும் தயாராகவில்லை என்றால், அடுத்த ஆண்டு பொங்கல் பண்டிகையை ஒட்டி வெளிவரலாம்.இதன் அதிகாரபூர்வ அறிவிப்பு ‘ஹோம்பலே பிலிம்ஸ்’ தயாரிப்பு நிறுவனம் சார்பில் விரைவில் அறிவிக்கப்படும்.