தவறான முடிவெடுத்து உயிரை மாய்த்துக் கொள்ளும் பல்கலை மாணவர்கள்! கல்வி இராஜாங்க அமைச்சரின் நடவடிக்கை

ஒரு வருடத்தில் தவறான முடிவெடுத்து உயிரை மாய்த்துக் கொள்ளும் பல்கலைக்கழக மாணவர்கள் தொடர்பான செய்திகள் பல வெளிவந்துள்ளன.

இந்த நிலையில், இவ்வாறு பல்கலைக்கழக மாணவர்கள் மற்றும் பல்கலைக்கழகத்தில் கல்வி கற்காத மாணவர்களுக்கிடையிலான தற்கொலைகள் தொடர்பில் ஒப்பீட்டு தரவு பகுப்பாய்வு நடத்தப்பட உள்ளதாக உயர்கல்வி இராஜாங்க அமைச்சர் கலாநிதி சுரேன் ராகவன் தெரிவித்துள்ளார்.

பொலிஸ் நிலையங்களை அதிகரிக்கும் செயற்பாடு
பல்கலைக்கழகங்களில் ஏற்பட்டுள்ள பிரச்சினைகள் தொடர்பில் ஆராய்வதற்காக பல நிறுவனங்களுக்கு அறிவிக்கப்பட்டுள்ளதாக இராஜாங்க அமைச்சர் தெரிவித்தார்.பல்கலைக்கழகங்களில் பொலிஸ் நிலையங்களை அதிகரிப்பது தொடர்பில் கவனம் செலுத்தப்பட்டுள்ளதாகவும் இராஜாங்க அமைச்சர் தெரிவித்துள்ளார்.