பஸ் விபத்துகளால் இலங்கை போக்குவரத்து சபைக்கு 800 மில்லியன் ரூபா நட்டம்

வருடாந்தம் சுமார் 1400 பஸ்கள் விபத்திற்குள்ளாவதால், நட்டத்தை எதிர்கொள்வதாக இலங்கை போக்குவரத்து சபை தெரிவித்துள்ளது. 

அவ்வாறு விபத்திற்குள்ளாகும் பஸ்களை பழுதுபார்த்து, மீண்டும் சேவையில் இணைக்க சுமார் 465 மில்லியன் ரூபா செலவாவதாக இலங்கை போக்குவரத்து சபையின் தலைவர் லலித் டி அல்விஸ், நியூஸ்ஃபெஸ்ட்டிடம் தெரிவித்தார். 

மேலும், விபத்திற்குள்ளாகும் பஸ்களை பழுதுபார்த்து, அவற்றை சேவையில் மீண்டும் இணைக்க காலம் எடுப்பதால், 
இலங்கை போக்குவரத்து சபைக்கு 800 மில்லியன் ரூபா நட்டம் ஏற்படுவதாக  லலித் டி அல்விஸ் குறிப்பிட்டார். 

இவ்வாறான விபத்துகளை தவிர்ப்பதற்கு விசேட வேலைத்திட்டம் ஒன்று அமுல்படுத்தப்பட்டுள்ளதாகவும் அவர் தெரிவித்தார்.