இலங்கை சுற்றுலா துறையில் முன்னேற்றம்:இந்திய துணைத் தூதரகம் மகிழ்ச்சி

கொர்டேலியா குரூஸ் கப்பல் சேவையினால் யாழ்ப்பாணத்திற்கு 6000இற்கும் அதிகமான சுற்றுலாப் பயணிகள் வந்துள்ளதாக இந்திய துணைத் தூதரகம் மகிழ்ச்சியுடன் அறிவித்துள்ளது. 

இந்திய துணை தூதரகம் வெளியிட்டுள்ள அறிக்கையிலேயே இந்த விடயம் குறித்து அறிவிக்கப்பட்டுள்ளது. 

அந்த அறிக்கையில் மேலும், கொர்டேலியா குரூஸ் சுற்றுலா கப்பல் சேவை ஆரம்பித்து 3 மாத காலப்பகுதிக்குள் காங்கேசன்துறை துறைமுகம் ஊடாக இந்தியாவில் இருந்து யாழிற்கு வந்த சுற்றுலா பயணிகள் இவ்வாறு அதிகரித்துள்ளனர்.

கடந்த ஜுன் மாதம் 16ஆம் திகதி தொடக்க வருகையிலிருந்து அடுத்தடுத்த ஒன்பது பயணங்களின் போது, சுற்றுலாப் பயணிகள் யாழ்ப்பாண நகரத்தில் ஒரு மறக்க முடியாத விடுமுறை அனுபவத்தைத் தொடங்கியுள்ளனர்.

கலாசார பிணைப்புகள்

அதன் வளமான வரலாற்றுடன், யாழ்ப்பாணம் தென்னிந்தியாவுடன் பகிர்ந்து கொள்ளும் கலாசார பிணைப்புகளையும் அனுபவித்துள்ளனர். 

யாழ்ப்பாணத்தில் உள்ள கடற்கரைகள் மற்றும் கோவில்களின் அற்புதமான அனுபவத்தை சுற்றுலாப் பயணிகள் பெற்றுள்ளனர்.

வட மாகாண சுற்றுலாப் பணியகம் மற்றும் மாவட்ட செயலகத்தின் உதவியுடன் தெல்லிப்பளை பிரதேச செயலகமும் வலி வடக்கு பிரதேச சபையும் இதற்கான ஏற்பாடுகளை செய்திருந்ததுடன் வடமாகாண ஆளுநர் முயற்சிகளை ஒருங்கிணைத்துள்ளார்.

இந்த மேம்படுத்தப்பட்ட சுற்றுலாப் பயணிகளின் வருகை இப்பகுதியில் உள்ள உள்ளூர் சமூகத்திற்கும் உதவியது மற்றும் தொழில்முனைவோருக்கு புதிய வழிகளை வழங்கியுள்ளது எனவும் தெரிவிக்கப்பட்டுள்ளது.