ரஷ்ய தூதர்களை வெளியேற்றிய அமெரிக்கா!

உக்ரைன் மீதான போர் தொடர்பாக ரஷ்யா – அமெரிக்கா மோதல் ஏற்பட்டுள்ளது. 

இதற்கிடையே கடந்த மாதம் ரஷ்யாவில் இருந்த அமெரிக்க தூதரக அதிகாரிகள் 2 பேரை ரஷ்ய அரசாங்கம் வெளியேற்றியுள்ளது. இந்த நிலையில் அமெரிக்காவில் இருந்த 2 ரஷ்ய தூதரக அதிகாரிகளை அமெரிக்கா வெளியேற்றி பதிலடி கொடுத்துள்ளது.

இது தொடர்பாக அமெரிக்க வெளியுறவுத்துறை அமைச்சின் ஊடகப் பேச்சாளர் மேத்யூ மில்லர் தெரிவிக்கையில்,

எங்கள் தூதரக அதிகாரிகளை ரஷ்ய அரசாங்கம் துன்புறுத்துவதை பொறுத்து கொள்ள முடியாது.அமெரிக்க அதிகாரிகளுக்கு எதிராக ஏற்றுக் கொள்ள முடியாத இந்த நடவடிக்கைகள் கடும் விளைவுகளை ஏற்படுத்தும் என தெரிவித்தார்.