Ashes 2023: வெற்றியுடன் விடைபெற்ற பிராட்

140 ஆண்டுக் கால வரலாற்றுச் சிறப்பு மிக்க ஆஷஸ் தொடர் இதுவரை 73 முறை நடந்து முடிந்துள்ளது. இதில், ஆஸ்திரேலிய அணி 34 முறையும், இங்கிலாந்து அணி 32 முறையும் கோப்பையை வென்றுள்ளனர். 7 முறை தொடர் சமனில் முடிந்துள்ளது. இம்முறையும் தொடர் சமனிலேயே முடிந்திருக்கிறது.

ஆஷஸ் 2023:

2023-ம் ஆண்டிற்கான ஆஷஸ் தொடர், இங்கிலாந்தில் ஜூன் 16 தொடங்கி ஜூலை 31 வரை நடைபெற்று முடிந்திருக்கிறது. 5-வது டெஸ்ட் போட்டிக்கு முன்பு வரை, 2 – 1 என்ற முன்னிலையிலிருந்த ஆஸ்திரேலிய அணியை, கடைசி டெஸ்ட் போட்டியில் வீழ்த்தி, இங்கிலாந்து அணி தொடரை 2 – 2 எனச் சமன் செய்தது. தொடர் சமனில் முடியும் போது கடந்த முறை கோப்பையை வென்ற அணியே கோப்பையைத் தக்க வைத்துக் கொள்ளும். எனவே, 2021-ம் ஆண்டு தொடரை, ஆஸ்திரேலிய அணி வென்றிருந்த நிலையில் இம்முறையும் அந்த அணியே கோப்பையைத் தக்கவைத்துக் கொள்கிறது.