வெனிசுவேலா ஜனாதிபதி நிக்கோலஸ் மதுரோ மற்றும் அவரது மனைவி கைது

வெனிசுவேலா ஜனாதிபதி நிக்கோலஸ் மதுரோவும் அவரது மனைவியும் கைது செய்யப்பட்டுள்ளதாக அமெரிக்க ஜனாதிபதி டொனால்ட் ட்ரம்ப் அறிவித்துள்ளார்.

வெனிசுவேலா ஜனாதிபதி மற்றும் அவரது மனைவி மீது நியூயோர்க்கின் தெற்கு மாவட்டத்திலுள்ள நீதிமன்றத்தில் போதைப்பொருள் பயங்கரவாதம்,கொக்கெய்ன் இறக்குமதி சதி மற்றும் அமெரிக்காவிற்கு எதிராக இயந்திர துப்பாக்கிகள் மற்றும் அழிவுகரமான சாதனங்களை வைத்திருக்க சதி செய்தல் ஆகிய குற்றச்சாட்டுகள் முன்வைக்கப்படத்தை அடுத்து இவர்களது கைது நடவடிக்கை இடம்பெற்றுள்ளது .

வெனிசுவேலாவை இலக்கு வைத்து முன்னெடுக்கப்பட்ட தொடர் தாக்குதல்களின் பின்னர் ஜனாதிபதியும் அவரது மனைவியும் கைது செய்யப்பட்டதாகவும் பின்னர் அவர்கள் நாட்டிலிருந்து நாடு கடத்தப்பட்டதாகவும் ட்ரம்ப் தனது ட்ரூத் சமூக வலைத்தளத்தில் பதிவிட்டுள்ளார்.

வெனிசுவேலா நேரப்படி இன்று (03) காலை வெனிசுவேலாவின் தலைநகர் கராகஸை இலக்கு வைத்து அமெரிக்கா தொடர் வான்வழித் தாக்குதல்களை நடத்தியது.
இதன்போது, வெனிசுவேலாவில் அவசரநிலை பிரகடனப்படுத்தப்பட்டது.